Архівні документи
XVII - XVIII ст.
Універсал Гетьмана Гаврила Крутневича (м.Київ)
Универсал гетмана Гаврила Крутневича, 1603 года.
Ознаймуемо тым нашим войсковым листом тепер и напотом будучим товаришом нашим, кому бы того ведат потреба належало, иж кгды есмо с послуги его кр. м. з Ыфлянт до Киева прибыли, били нам войску всему чолом в Бозе велебный его млеть отец Игнатей, игумен зо всею еже о Христе братею своею манастира светого Николы Пустынского Киевского, о том, иж продок наш небожчик Самоел Кошка, гетман войска Запорозского, з нами всими товарышми своими, за дозволенем и радою нашею, дал им лист иод печатю войсковою и с подаисом руки писарское, капитуле манастыра Николского, который лист перед нами тепер покладали, в котором пишет до всих товаришов наших, так Запорозких козаков, яко и речечных, абы кривды на входах вх, меновите пон(и)же Черкас, Белоберезких и Пивских, также из езов их на Днепре, кривды и шкоды нечинили, але еще указуючи прихилност и ласку нашу (вой)сковую ку церкви божой и к тым богомолцом нашим монастыра светого Николы, што одно приходит на войско Запорозкое от ухо...ков (уходников ?) на Днепре нижей Черкас и вышей Черкас, ведлуг звычаю, б(оро)шна, для которого высылаем посланцов наших для... (отби?)раня з них Николских уходов жадное речы, тоест Белоберезских и Пивских, еды, нитей, чолна и никоторого борошна, а ни подвод не брати и ни в чом вы кривды не чинити, вечными часы, войско все в коле одностайне згодне даровали манасгыр Николский, о чом тепер мы, будучы сведоми того листу так Кошчиного, яко и теперешнего часу пана Ивана Косого, им, катитуле, за гетманства его даного, на тые ж входы менованые, также за ведомостю и росказанем, призволенем всего войска, мы и овшем ствержаем и водлуг тых листов, яко се поменило, вже в ичннми часы есмо даровали и тепер даруем им и всим товарышом нашим войска Запорозского козаком, ако и речечным, озваймуем и росказуем, абы водлуг тых листов справовали, ни в чом кривды и шкоды церкви божой не чинили под ласкою и срокгостю войсковою, не важечи собетых листов, от всего войска капитуле Николской даного легце, кгды ж великие кривды и шкоды относят от жолнинцов и чигиринцов 3; еще есмо повинни их, яко богомолцов наших, от кривд боронити и не брат, але еще надават, на што есмо его милости отцу игумену и всей еже о Христе брати монастыра светого Николы Пустынского Киевского дали сесь наш лист, под печатю войсковою и с подписом руки моее власное. Писан в Киеве, року тысяча шест сот третего, мца мая двадцат второго дня.
Грицко Сеневич, писар войска Запорозкого.